صدر حديثا : « حارة طحيمر: حكايات مرداش العايق ». للأديب عادل إدريس المسلمي

عن مؤسسة شمس للنشر والإعلام بالقاهرة، صدر للكاتب الساخر " عادل إدريس المسلمي" مجموعته القصصية الساخرة « حارة طحيمر: حكايات مرداش العايق ».  تصميم الغلاف: ياسمين عكاشة. تضم المجموعة عشر قصص ساخرة تدور في قلب الشارع المصري، نسجها المؤلف من عادات وسلوكيات ورموز الإنسان المصري البسيط، في لغة سينمائية، برع من خلالها "عادل إدريس" في رسم صور واقعية ساخرة للشارع المصري، متخذًا من الكوميديا السوداء سبيلاً يعبر من خلاله إلى نقد حال المجتمع المصري، بأسلوب راق، بعيدًا عن السطحية، وبطريقة ساخرة خفيفة. يفتتح عادل إدريس مجموعته على لسان بطل المجموعة "مرداش العايق": (أعرَّفكم بنفسي... أنا "مرداش عليوة النني"، وناس الحارة بينادوني "مرداش العايق"؛ وده علشان مهتم بتسريحة شعري، ودي الحاجة الوحيدة اللي طلعت بيها من الدنيا... شغلتي الوحيدة هي قعدتي في الشباك، أبص على اللي داخل واللي خارج من الحارة، وده يصّبح وده يمَّسي، وده يسألني عن فلان، وده يقولي على علان.. ولو عايز تعرف امتى النملة دخلت وخرجت من الحارة؛ أقول لك. حارتنا اسمها "حارة طحيمر"، تسألني ليه سموها كده ؟ أحلفلك والله ما أعرف، طلعت لقيت اسمها كده، وما فيش حد في الحارة يعرف، حتى لما سألت "عم شحتة أرأر" الله يرحمه - وده كان أكبر واحد في الحارة - قالي إنه طلع لقى اسمها كده ولا حتى جده كان يعرف ليه سموها كده... يعني هي جت على اسم حارتنا ما ياما شوارع وحارات وزقاقات أساميها منيلة بنيلة. وعلى فكرة حارتنا من أكبر الحارات الموجودة بمصر المحروسة طولاً وعرضًا، وعدد سكانها نص الحي اللي إحنا فيه، علشان كده ليها صيت وصوت في أي انتخابات، يعني بنفرح أوي لما تهل أي انتخابات وتنتعش الحارة وتلاقي الناس هنا كأنها في عيد!... عيد إيه ؟ ده أيام الانتخابات عندنا أهم من العيد يعني بتُفرج، تلاقي الخير نازل علينا زي المطر من زيت وسكر وسمن ومكرونة... تقدر تقول ماسورة تموين انفجرت عندنا ، ده غير النقدية اللي بتترش علينا. المهم، وإنت ماشي في الحارة؛ ما تبصش على حد لا فوق ولا تحت، بدل ما تسمع حد يقول لك: (بتبص على إيه يا روح أمك) وممكن ياخدوك رهينة... ودلوقتي ها أخدكم جولة سريعة داخل الحارة علشان تتعرفوا عليها وعلى ناسها...). من قصص المجموعة:   مرداش العايق / ليلة بكى فيها الدكر / سوق يا أسطى على الخفير / 512 ب أ ف / فـرح فـرح   انتقام بلابل / معركة الشلن الكبرى / ربيع العربي / يسقط يسقط حكم بلابل / بالسلامة يا شربات    • • • • •   • • • • •

عادل إدريس المسلمي edris_adel@yahoo.com • عادل محمد عبد الله إدريس المسلمي • كاتب ساخر وقاص مصري، من مواليد عام 1952م • حاصل على بكالوريوس التجارة ودبلوم الدراسات العليا من جامعة القاهرة • اختتم حياته العملية رئيس قطاع بإحدى شركات قطاع الأعمال. • صاحب مدونة " أستبوليا كافيه". • المؤلفات :      - اتفرج يا سلام : قصص قصيرة من الأدب الساخر. شمس للنشر والإعلام، القاهرة 2013م    - حارة طحيمر "حكايات مرداش العايق": قصص ساخرة. شمس للنشر والإعلام، القاهرة 2014م    - دقشوم : رواية    - غواص في بحر الأذى    - لا.. يا من كنت     - حدث في كفر زلابيا    - أني عائد من هناك    - الرقص بدون طبلة     - شطحات وآهات : زجـل     - السهراية : زجـل