الشجـــرة البــاكـــية عدة مسرحيات للأطفال تأليف شاكر صبري - مصر

الشجـــرة البــاكـــية

عدة مسرحيات للأطفال

 

مسرحية البخيل والطيور

يظهر علي المسرح مجموعة من الطيور تسكن في منزل وحولها اجولة مليئة بالحبوب   تدخل عليها طيور اخري بعد ان تطرق الباب

الديك  يقول :   مرحب بيكم مرحب  بيكم اهلا بيكم بين اهاليكم هنفطركم ونغديكم

 عندنا خير مليان ف البيت      عندنا سمن وعندنا زيت

يا للا يا صاحبي انت وهي           ناكل اكلة جميلة هنية

ونعيش عيشة سعيدة ندية        ناكل قمح ونشرب مية

تدخل مجموعة من البط  والدجاج  في فرح وسرور

يقول : ياللا يا صاحبي  كلوا في القمح وكلوا ف الخير    احنا حدانا القمح كثير

كلوا من غير بخل وتوفير علشان تبقوا في عافية وصحة    عندنا رزق  وخيرنا كثير

تاكل الطيور في نهم     والطيور عبارة عن اطفال صغيرة يلبس كل واحد منهم قناع بشكل الطير الذي يقوم بدوره

يدخل صاحب البيت مكشرا :   فين القمح وفين الفول

ياكل البط ف خير ويدور         وانا في اليت مسكين مقهور

خلصوا رزقي         خلصوا مالي

دول جايين في البين علشاني

لا ناكلهم لا نغديهم           لا نهنيهم لا نعشيهم

يحمل الحبوب يجرها بعيد عن الطيور

وهي تنظر له بحزن وضجر

الديك الاكبر :    ليه البخل وليه الشح

 طول ما الخير ف البيت موجود

عايز كل الدنيا عبيده من غير حتي ما لينا يفيد

عمر البخل ما ينفع صاحبه      

عمر الشح لصاحبه يرفع          دايما تلقي البخل يضَيعْ

يحرم طيره  وياخد خيرهْ            عايز نفسه وبس سعيد

بكرة يشوف البيت من غيرنا          ما بيسواش سلك حديد 

الديك :    يا اللا تعالوا نسيبوا لوحده 

خالوه يعرف  معني  و جودنا

ياكل خيرنا  وما يغذينا            ييجي  ويندم مرة علينا

المجموعة : يا اللا نسيبه لوحده يعيش

يلتقي زرعه وخيره مفيش

 الحمار  كان يقف في جانب المكان يتكلم

انا وياكم انا وياكم  عمري ما اسيبوكم     او اخذلكم            

مع بعضينا وعشرة  عمر      وانا وياكم  ف كل الامر

انا مع صاحبي شفت الجوع       كان يحرمني  وابات موجوع

ولا بيحس بحيرة ف قلبي               كنت اتمني ليا يبيع

بقية الطيور احنا معاكم احنا معاكم

ولا نرضاشي الا رضاكم

الديك  : بس مين  وياه المفتاح

الحمار : المفتاح حطه ورا الباب

انا هانده صاحبي العصفور

يا عصفور يا  عصفور

جاء العصفور  من الخارج دنا من الحمار     وهمس في اذنه

العصفور :     تحت الامر وتحت الطوع   خرج وعاد بالمفتاح   معلقا  في  فمه

صاح الجميع :          فرحة  فرحة 

الحمار : انا راح اشيل القمح تعالوا   شيلوا القمح هاتوه علي ضهري

وانا راح اشيلكو   واطلع اجري

الديك هاتو القمح وهاتو الفول    خلي البخل يعيش مذلول

يحمل الحمار الاجولة وفوقها الطيور ويخرج من الباب  في خفية

يدخل البخيل  وصاحبه      فين الخير اللي ف حظيرتنا

فين البط وفين كتاكيتنا  

حتي حمارنا هرب من دارنا         ايه حكايتهم يا حسرتنا

لا يجدون حتي الاجولة التي  فيها  القمح والحبوب     

ينظران في حسرة           احنا عملنا كده ف نفوسنا

جوعناهم وحرمناهم      وقسينا  واحنا ظلمناهم

ما اتعسنا يا حسرتنا        ما اتعسنا يا حسرتنا

تمت بحمد الله

"""""""""""""""""""""

مسرحية الثعلب والدجاجة     (بالفصحي   )

كانت الدجاجة تقف علي المسرح وحدها وجاء اليها الثعلب وقال السلام عليكم ايتها الدجاجة  الطيبة  .

ردت الدجاجة السلام :        وعليكم السلام يا ايها الثعلب

باي جديد جئت ولا اظن انك تاتي بخير ابدا

قال الثعلب :  لا لقد جئتك بخير ان شاء الله

انا لست مخادعا انا طيب القلب مثلك   وربما اكثر

لقد جئت اليك ايتها الدجاجة  في مهمة انسانية وملحة

قالت وما  هي لو كنت املك  لك  شيئا ما تاخرت به

جعلني الله  سببا لسعادة الاخرين

قال الثعلب   الامر بسيط جدا ولن يرهقك  كثيرا

قالت   :     لا مانع      ان استطعت

قال الثعلب :  ان ابني وفلذة كبدي وحياتي   مريض وجسمه يحتاج الي فيتامينات وقد وصف الاطباء له   الادوية و ولكنها  لا تات بفائدة وقال  الاطباء  ان كبد الدجاج   فيه غذاء مفيد لابني  ولعله هو الحل الوحيد  لشفائه

فكل ما اطلبه منك ان تضحي بنفسك   وتقومي بهذه الخدمة الانسانية  لعلاج ابني

ان ابني هذا يستحق التضحية    ولو كانت كبدي فيها السبب في شفائه وراحته

لقمت بذلك ولضحيت بنفسي   لأجله  انه   اغلي شيء في حياتي

الدجاجة :  تبا لك ايها الثعلب  اتريدني ان اضحي بحياتي من اجل ابنك

ان عندي عشرة من الكتاكيت الصغار اربيهم وهم محتاجون  لرعايتي

أتخاف علي راحة ابنك الوحيد ولا تخاف علي عشرة من اولادي الذين يحتاجون لرعليتي وعطفي وحناني ؟

الثعلب :    لا تقلقي  سوف ارعاهم  انا وابني   رعاية كاملة ونوفرلهم كل ما  يحتاجون

الدجاجة   : اذا كنت لم تحافظ علي حياة امهم   فكيف تحافظ علي حياتهم

لن اصدقك ولن استجيب لكلامك يا ثعلب  يا غدار

قال الثعلب : لماذا كل هذا  انك ايتها الدجاجة       عرضة دائما  للخطر   وللصيد  لكن ابني هو الصياد   مخاطره اقل من مخاطرك وحياته اهم من حياتك

الدجاجة :  تبا لك يا ثعلب                                                  

لقد انتهي حديثي معك  ولن اسمع لكلام  منك اخر

والا ناديت علي اولادي واصدقائي الذين  يرقبونك من بعيد

نظر الثعلب حوله وانصرف وقال :   سوف نري من منا  الاقوي

دخل الاولاد وبعض الديوك وقالوا لقد سمعنا حوارك

وتعجبنا من كلام الثعلب اللعين    ولا بد انه سوف ياتي   اخر الليل لكي يصطادك  فالثعالب تحب الصيد ليلا           قالت الدجاجة وما ذا تفعلون   ؟

قالوا نعمل له مصيدة وبدلا من ان يصطادك سوف نقوم نحن باصطياده

يستعد  الجميع  لقدوم الثعلب  ويختبئون   حتي  لا يراهم

ياتي الليل   يدخل الثعلب في خفية من  وفي صوت هاديء وخلسة

وعندما يقترب  الثعلب من عش الدجاجة  :      تدخل الدجاجة من بعيد وتقول له

مرحبا بك ايها الثعلب        مرحبا بك ايها الضيف العزيز 

لو كنت املك   شيئا اقدمه لك  طعاما  لقدمته

الثعلب قال  لا تقلقي     انت الان طعامي     وطعام ابني المريض 

سوف انقض عليك واخذ كبدك لابني وانا انعم بالباقي

قالت الدجاجة ولكنك لن نستطيع

قال الثعلب :  وما يمنعني  لقد جئت لافتراسك  بلا ثمن  ولا مقابل

طالما انك لا تستجيبن لندائي ولا تشعرين  بمعاناتي  

قالت الدجاجة :      وهل   كنت  ستوفي بوعدك  لو     نفذت لك  مطالبك 

ولكنك  حين جئت  غادرا    لن تستطيع ايه المخادع   ان تصل  الي غرضك

تدخل عليه جميع الطيور وفي يد كل واحد منهم       نبلة ورمح

  صغيرين و يظهر النور   الثعلب ما هذا  ؟

  قالوا   : لقد جئنا للقضاء عليك

الثعلب لماذا ؟ انا جئت لكي اطمئن علي صديقتي وحبيبتي الدجاجة ولكي اقدم لها المعونة

الجميع  : لقد سمعنا حديثك  معها ولن نتركك ترحل من هنا

الثعلب : يتباكي ارجوكم اعذروني

انا ابني مريض وعنده هزال شديد

كيف اتركه  هكذا اليس عندكم حل له ؟

الجميع نعم  :    

قال الثعلب  علي الفور   : ما هو   ؟

ان نقضي عليك  كي تستريح من معاناتك 

استلقي  الثعلب  علي الارض    ليوهمهم انه مات   

قالوا  له   لن  تخدعنا ايها الثعلب     ولن نستجيب لالاعيبك

وف نفس واحد خذ ايها المخادع 

وبدلا من ان تحصل انت علي كبد الدجاجة

سوف نقوم نحن بالحصول علي كبدك ونشويها   لكي يتغذي عليها الجميع فقد اصابنا القحط منذ عدة ايام ونحتاج الي كبدك   لتعوضنا عن  ما نحتاجه من  فيتامينات    وتنطلق السهام كلها في وقت واحد

يصرخ الثعلب   ثم  يلقي الثعلب صريعا  

فقرة اخري

الام  لاولادها كلوا واشبعوا يا اولادي   هذه  كبد الثعلب  قمنا بشويها

 لولاكم يا اولادي ما استطعت ان اتغلب علي الثعلب   لقد حميتموني منه

اشكركم  جميعا فان الكثرة والعصبة حقا تحمي الانسان من كثير من الشرور والمهالك

الاولاد :   نعم يا امي     وان لم نضحي من اجلك  ونحميك فمن نحمي ونرعي

يدخل ابن الثعلب     وهو هزيل  ومريض

ويقول لهم انا جائع انا مريض وابي لا اعرف مكانه

لم يعد ياتي الي  بالطعام كما كان ياتي      هل عندكم من طعام    ؟ 

الدجاجة     خذ يا ولدي   فهذا خير طعام  لك

 ياكل الثعلب بنهم     ويقوم سعيدا    الحمد لله لقد شبعت         

الدجاجة   هيا يا ولدي    . 

  فانت ضيف علينا ولا بد ان نقوم باكرامك

ينصرف الثعلب الصغير . 

ويضحك الجميع في وقت واحد ويقول الحمد لله 

لقد عادت صحة الثعلب اليه  

ولكن بعد ان اكل من كبد  الثعلب   المخادع   الذي اراد  التضحية  بنا

حمدا لك يا رب       علي تدبيرك للأمور

ونجاتنا من الثعلب المخادع  الاناني   

مسرحية الشجرة الباكية  ( بالعامية )

يظهر طفل علي المسرح وفي جانب اخر من المسرح شجرة

والشجرة عبارة عن طفلة طويلة  بها فروع وغصون وبها ثمار مدلاة منها

ا لطفل  يحاول ان يقطعها  ويبدا في القطع  

الشجرة قالت  : اه اه  

الطفل لم يتاثر يستمر ف القطع

بكت الشجرة وسمع صوت بكائها

دخل العصفور وسمع صوتها قال :  ايتها الشجرة الحبيبة ما يبكيك ؟ 

قالت   :  أبكي  لان هذا الطفل يقوم بقطع   اغصاني   

قال العصفور له:   ليه   راح تقطع   ?       شجرة مفيدة وثمره بتمنع        

تقطع عنا الخير والظل     شجرة   جميلة تفيد الكل

دا انا باصنع عالغصن العش   م الاوراق وكمان م القش

جاءت الحمامة  :  ليه يا صديقي    تبقي بعملك ده بتئذيني

انا   واولادي ساكنين فيها   جوا  الحفرة 

 جو الشجرة   عشان تحمينا        وقت الحر  بتضلل بجناحها علينا

 وقت الشتا     والبرد  في حضنها بتدفينا 

شجرة جميلة   صديقة  الطير    ليه   تحرم الغير م الخير

دا الانسان محتاج للشجرة    وكمان   كان يحتاج   ليها  الكل

تدخل اخته   تقول له   : انت يا اخويا         نصحك فرض علي ودين

لما هتقطع شجرة بريئة هتنول ذنب وتبقي حزين

فيها فوايد  لينا جميعا        صنع المولي  يسر العين

فرض علينا ان احنا نصونها     راح نسقيها بشوق وحنين

الشجرة تبكي  :سيبني ف حالي     سيب لي  جمالي

بكرة البذرة اللي    ارميها تطلع شجرة      كبيرة مفيدة

وتفرحني بنظرتي ليها

لو تقطعني ايه هيفيدك تمنع خير عن ناس تانيين

لو حبتني  اقطف ثمرة    واتمتع بغصون حلوين

الطفل : مين يمنعني مين يحاسبني

راح اقطعها بايدي لوحدي

وانا مش هارجع يوم عن غرضي

الشجرة ليه يا صديقي  ليه   حبيبي 

كنت    صديقي بس الوقت انت عدوي

جاءت الحمامة وقالت   للبيت رب يحميه       من شر دوما ينجيه

الطفل : خلوا   كلامك  بقي ينفعكم

باسم الله باسم الله   باسم الله باقطع وباكسر

خلي الكل يقول ويفكر  

وحينما بدا في كسر الغصن     يسمع انين  الشجرة

يقع غصن صغير علي يده يجرحها

اه  ليه يا غبية بتجرحي فيا    ما انتش عارفة ان  انا  انسان

انا احساسي هو اساسي      لو ما قطعتش ابقي جبان

يقع فرح اخر كبير   يلقيه علي الارض    يغمي عليه 

تقوم اخته بافاقته اخوي اخوي   تقوم بافاقته 

ثم  تقول الاخت بعد افاقته   يا ما نصحنا وكنا ندل بس جزاءك كان الحل

عمر ما واحد منا هيقدر يمنع عقل ملان بالشر

نلت جزاءك      هوه  الرادع     هو عقابك فيه الذل

العصفور ياللا اتمتع بقي بالكسر       علشان تعرف معني الغل

الشجرة  : يا اللا يا شاطر قوم واتشطر

قوم ورينا ازاي راح تقدر

الطفل  : اتأكدت ان انا ما اقدرش

واتاكدت ان انا ماعرفش    وان الشر ما لوش رجلين

أما  الخير  عنده  محبين       عمري يا شجرة ما ليك هاقرب  

هابقي حبيبك  واحفظ عهدي        واحنو عليك واصون ودي

انا م الوقت هامشي ف حالي          اصل الغصن الاخضر غالي       

مسرحية سرحان والحمار  (مسرحية شعرية بالعامية )

الفكرة مقتبسة من مسرحية سرحان والحمار

التي كانت مقررة علي تلاميذ  التعليم الابتدائي   في سنة من السنوات

سرحان يجد حمارا في الشارع   بلا صاحب  ياخذه ويقول

 رايح فين يا حمارنا يا غالي

انا راح اخدك تبقي حلالي     لو ابيعك راح يكثر مالي

ينهق الحمار   حين يركبه    , ويلتفت  حوله      يبحث  عن صاحبه

وسرحان يغني      يكلم نفسه      رايح فين

رايح لامي   من كام ليلة  نفسي اشوفها      عايز اطمن برضه عليها

عبد الجواد  يجد سرحان ومعه الحمار  

جبت منين  ده  يا    سرحان    ؟    اه دا حماري     رايح  داري

عبد الجواد   :  رايح فين يا صديقي يا صاحبي   ؟

سرحان      رايح لامي وراجع تاني        هاروح السوق

علشان اتاجر وابقي لفوق       علشان انا  محتاج مزنوق

عبد الجواد     هتبيع   ايه ؟

سرحان  :   راح ابيع ده  حماري  حبيبي 

هوه  حماري                   وانا  مالكه وصاحبه

هيه  راح انزل   راح افضل ساحبه

 عبد الجواد    ايه ده  ؟      لأ  ده حماري

 مين جابهولك  مين جابهولك ؟  دا انت حرامي

سرحان  :  لا دا حماري   لأ  دا حماري      انت اناني انت اناني

انا  ربيته   من كام شهر لحد ما يكبر علشان ابيعه      واكسب منه   

عبد الجواد مين ينجيني من سرحان    سرق  حماري م الغيطان

الناس حصل ايه وياكو يا ناس     احنا معاكو  بكل حماس

سرحان   عايز ابيع في السوق واتاجر      عندي حماري    انا راح ابيعه

اما صاحبنا يقول  ده حماري

عبد الجواد  : ايوه حماري    عمري ما  هاكذب

هو حماري انا عارفه من حلقة ف ودنه

الشهود  :  احنا احترنا معاكم كثير

   شيخ الحارة يحكم ليكم   ويعرفكو  طريق الخير  

ذهبوا لشيخ الحارة :  ايه حكايتكم ايه حكايتكم

    يسمع منهم   دي  حكاية  بين الاخوان      دي بتكرر كل زمان   

  سرق فلان   ويقول دي بضاعتي   ف الاخر الحق يبان

الشهود : ايه الحل  احترنا معاهم    انجدنا منهم  يا كبيرنا

شيخ الحارة :   يشير الي الحمار هو هيعرف بيته لوحده

خلوه يمشي يمشي براحته

الشهود : فكرة جميلة سيبه براحته

الحمار يمشي وخلفه الجميع وينهق ويرفع ذيله

يذهب ناحية بيت عبد الجواد

الجميع  : عرف مكانه  وراح لطريقه      سبحان الرحمن الهادي

عبد الجواد  :  بان الحق لصاحبه وبان وعرفنا الحق يا سرحان

انت حرامي عايز تكسب  رزق حرام

انت حرامي ومش انسان     واللي يخون العشرة جبان

سرحان  انا ندمان  انا ندمان

الجميع : ندمك عمره ما ينفع وحده

لازم ربنا يرضي عليك

روح واطلب منه  التوبة        روح مد له بالذل اديك

سرحان : صح صح         انا طالب يا الاهي التوبة

اخر مرة واخر نوبة    

      

مسرحية الشاطر والديب

 يظهر علي المسرح طفل بجواره ذئب ويقوم الطفل بالامساك بالذئب ( الذئب طفل كبير الحجم يلبس قناع ذئب

  الطفل صاحبي يا ديبي           انت حبيبي

انا ربيتك وانت نصيبي خد من قلبي وخد من جيبي

الديب  : انت لوحدك كنت طبيبي

بتأكلني وبتسقيني   وتفرحني وتهنيني

توم تلاعبني يوم تهاديني     انت لوحدك  كنت حبيبي

الطفل  : انا هاخرج  رايح مدرستي ويا كتابي مع كراستي

اجري وارمح جوا البيت لما ارجع هاحكي الحواديت

واعي تقرب من الكتاكيت    

يخرج ومعه الكتب

الديب : يظل يمشي   علي المسرح وهو ينظر  في كل ناحية ويقول اعمل ايه اعمل ايه

وانا قاعد وحدي في البيت    ينظر الي  الكتاكيت  الموجودة في القفص

ويقوم بفتح القفص ويقول دول لاصحابي يلعبوا بيهم اعطي العشرة لواحد فيهم

اما صاحبهم فين يلاقيهم  هوه  عشان خاطري يربيهم

تصرخ الكتاكيت  وتقول  الديب خاين  صاحبه

بس استاهل لما ارتاح له          الديب خاين اللي يحبه

الديب   يسحب الكتاكيت واحدا تلو الاخر  خارج المسرح

يدخل الكلب   ويبحث  في القفض   فينا كتاكتنا فين  كتاكتنا     فين الديب

  ( دمر بتنا )

يا ما  نصحت  صاحبي   وقلتْ       اوعي  تآمن    يوم  للديب  

بس نصيحتي    ما عجبتوش

يرجع الطفل : ويجد الكلب حزينا يسال الكلب الذي كان حديث الدخول  فين الديب

الكلب  : انا ما اعرفش انا ما اعرفشِ       انا وياك داخل دي الوقت  

والديب كان هنا يعمل ايه      عمري ما   كنت بآمن  ليه

الطفل انا ربيته انا كبرته سبته ف بيتي ياخد راحته

الكلب  :    ليه تعملها ليه تعملها  ليه تقبلها ازاي تقبلها

ديب يتربي ف قلب البيت لازم خانك

أعمل  ايه   ؟   لازم   ا فكر          قبل ما يمشي  بعيد   ويدبر 

الكلب  : اصل الطبع   بيغلب صاحبه  بس اختار اللي انت تصاحبه

ليه تآمن له ليه تآمن له

الطفل    : شيء مش ممكن  ديبي حبيبي       ازاي يغدر  كان بيقولي انت طبيبي

الكلب : ينظر الي القفص ويتجه ويقول

 بص هناك  شوف كتاكيتك     راحت فين ؟   هو خطفها  وراح علي فين ؟

الطفل " اه  اه 

      فين الخاين خاطف طيري    انا ربيته ولحم اكتافه كان من خيري

الكلب     ويا نصيحتي  كنت افيدك لو بتشاور حد قريبك

وانت بتمشي كده علي كيفك

الطفل : لازم احاسبه هاخد نفسي واروح واحاربه

يذهب ويحمل البندقية معه ويقول لازم احاربه

الكلب : انت لوحدك عمر ما تقدر

ديبك خاين  راح لاصحابه عايسعدوه    عليك وهيقدر

اوعي تعدي اوعي تروح   بابهم ذل وشر ونوح

الطفل : انا كنت في نفسي الغلطان   كنت باصاحب واحد خاين 

 خاين صحبه   اللي ما كنش لعهده امان

وصديقه يلقي الحرمان    وعشان كده كنت  الغلطان

وعشنا كده كنت الغلطان    

تمت

"""""""""""""""""""""""

بيقول  حبيبنا

يظهر علي المسرح  رجل وسيم منمق الملابس   ووجهه عليه علامات الاعجاب بالنفس والغرور   ونظراته توحي  بالكره للاخرين ويخفي ذلك  لان  نظراته توحي بالبشاشة  والسماحة   يلتف حوله مجموعة من الاطفال  يقول  لهم 

انتو يا اجمل شيء في الدنيا         انتو حبايبي وانتو البسمة 

 وانتو وجودكم  أاجمل  غنوة

الأطفال  : قلبك  طيب   قلب كبير    شكلك  هادي  تحب الخير

الرجل :  انا طول عمري اليكم  باميل   وانا قلبي  بالحب  عليل

حب الخير بيعيش  جواي  يا اللا تعالوا  العبوا  ويا ابني 

    راح تلقوا    الافراح ويانا

يخرج من بينهم طفل  في مثل سنهم يلبس  ملابس تشبه ملابس الرجل  ويأت نحوه ويحتضنه ويقول لهم

بصوا لابني  صغيرْ طيب   كله  براءة    وليكم  قريب

اسمه محب  وهو حبيب  هيكون   ليكو احلي طبيب

   وف  حركاتكم  بيبقي قريب

انا جيبت  لكو  حلاوة كثير دا انا يا حبايبي  قلبي كبير

يسمع الاذان  يردد الاذان    ثم يتجه   للصلاة معهم ويقول :

    يا اللا نصلي  يا اللا تعالوا   والمسلم يتصلح حاله

      ويبارك ربنا   في عياله  وهتكتر بالخير   احواله

          انا راح ابقي ليكو امام   وانا ليكم عايش خدام 

        دا انتو البسمة الصافية النادية   وانتو بكرة  والاحلام

             يا اللا تعالوا نصلي قوام

       يخرجوا جميعا   من المسرح ثم يعودوا  دليل علي انهم اقاموا الصلاة

يقول :           تقبل الله منا ومنكم    واسمعنا خيرا  يا بني عنكم

يدخل عليه طفلان يختصمان   يقول احدهما

                      عمرك ترضي حد يسبك او يئذيك

  هو  :            لا ما ارضاشي    ايه اللي حصل لك

الطفل   :     ده عيرني    باني قصير  برضه  ضربني ف وشي  وكشر

  الطفل الاخر :        هوه  كمان  ادي لي  بونيه   وانا كان عندي سلامة النية

  وانا باكره  طبع الانانية

الرجل :  الله يسامحه  قلها بقلبك    سامح صاحبك  لاجل يحبك

             واللي يسامح مره اخوه    تلقي الناس كلها حبوه

          والاحساس الحلو جميل   يا اللا يا ابني لصاحبك  ميل

    ميل علي راسه  وبوسها كمان  واملي ملامحك  بالاحسان

    يرضي عليك ربنا   ويسامحك   علشان  كنت تسامح صاحبك

الطفلان يتعانقان  ويتصافحان  ثم يتجهان الي الرجل   ويقولان :

انت امامنا  انت  حكيم       وباحوالنا  انت  عليم

 وابنك هيكون زيك طيب    وكمان هادي ولينا قريب

يخرج ثم يعود عليهم   ببعض  الحلوي  والهدايا القيمة

وانا باهديكم   كل جميل  

ياخذون الهدايا    بفرحة ويشكروه   :

الف شكر   والف  تحية  لقلوب صافية وحلوة  ندية

  يقول الرجل  :  

      ابني  حبيبي  ذكي ونبيه   بادعي المولي يا رب احميه

          ربنا يحرسه من اعاديه   ويزود   علمه ويهديه

        متفوق  في المدرسة دايما   بيقول  انه طلع  الاول

       ابني  دا عمره  عظيم  متميز     للامجاد دايما متحفز

يخرجوا جميعا ثم يعودوا من ابواب  اخري  يتجه الرجل اليهم

  ويقول لهم :

يا اللا السنة بدأت قوم روحوا   والناجح  راح يسعد  روحه

  وبمجهوده  بيشفي جروحه     وبمجهوده  يعلي بطموحه

        ابنه  يقول  :

انا باهدي لكو   حنان القلب        انا قلبي  مليان  بالحب

 دا احنا احباب علي  طول الدرب  وباخلاصنا  بنهد الصعب

  وبتعاونا  بنسعد  روحنا      وبتكاملنا  تكون افراحنا

بدأ العام بينا ياللا نذاكر   علشان يظهر فينا الشاطر

يخرجوا  ثم يعودوا   بالزي المدرسي والرجل يدخل خلفهم يقول :

      يا اللا يا ابني  انت  وهوه   علشان  اذاكر ليكو  واعلم 

        عايز  اعرف اشطر واحد يقدر يفهم  او  يتعلمْ 

    عندي مسائل  ليكم  صعبة      اللي يحلها  ياخد  جايزة

يعطي لكل واحد  منهم  ورقة اجابة  وبعد أن يأخذوها  يبدؤا في الحل  للمسائل  التي اعطاها   لهم ثم ينهض  علي الفور  طفل منهم ويقول  :

  انا حلتها قوام وبسرعة   من  غير جهد ومن غير حيرة

          وفهمتها من اول  نظرة

   يخرج طفل اخر ويقول :

وانا حلتها برضه  بسرعة     ولقيت  ليها  اجمل  فكرة

 مسالة سهلة   جميلة وحلوة

ينظر الرجل الي ابنه    فيجده ما زال يفكر  ثم يقول  :

   وانا  قربت  يا بابا انهيها    محتاج  بس افكر فيها

   الرجل :  عايزك تبقي الاحسن فيهم

 الابن :   دي ملكات  ربنا  يعطيها 

لا يستطيع الابن حل المسالة

الرجل :  دول الاثنين هيكونوا الاحسن   ما انتش يا ابني هتبقي الاول

       انا عايزك احسن منهم    

الرجل ينظر اليهم نظرات مليئة بالحقد  والمرض القلبي ثم يتقرب منهم باظهار المحبة ويقول

  كنت وعدتكو  يوم بالجايزة  راح اعطيها  للناجحين 

ادي اهي   مع خالص  حبي   علشان تبقوا  اكيد  ناجحين

راح نعمل   مسالة تانية  والشطار    كان ليهم  جايزة

     الاطفال  :      موافقون

يجلسوا  للامتحان  يناولهم  ورق الاسئلة  وورق  للاجابة   ويمر الوقت  ويقوم الطالب  السابق باول حل  ويقول :

            انا حلتها  بسرعة يا عمي   جوه  الورقة انا كاتب  اسمي

التاني  :   انا فكرت   فيها شوية     لكن رحت بسرعة حاللها

وابنه  يقول   :

وانا  راح اخلص فيها استني    سيبني احل شوية يا بابا

ينتظر  برهة    ثم يقول :   اه  حلتها   لكن  ناقصة 

   الاب  يخفي حزنه الشديد  بسبب تاخر ابنه  في الاجابة

     يتكلم بصوت لا يسمعه  الاخرون  :

لازم ابني يكون الاول        ابني لازم يبقي الافضل

ثم يقول  الابن  بعد ان انهي  اجابته ويكلم نفسه   :

هما اتنين  كانوا احسن  مني  راح  اسمع  بابا يهاجمني

  مش عايز  ولا واحد منهم  بعد  كده يقدر يهزمني

    مش  راح اسمح  ليهم  ابدا  بعد كده  بنجاح  وتفوق

   الرجل  يتجه  لهم ويقول  :

  خدوا جايزتكم  وافرحوا بيها      والشاطرين  راح  نفرح  ليهم 

يفرحوا    اما الابن  يظل  حائرا  ومغتاظا ويكتم في نفسه  الحزن :

الرجل يسالهم عن موعد الامتحانات :    امتي هتبدأ  امتحاناتكم   ؟

الاولاد : بعد  شهر من دي الوقت 

الرجل : يكلم نفسه   :

لازم ما يخشوش الاتنين  لازم  ابني  يكون الاول

مش راح اسمح  ليهم   ابدا  انه يكونوا هما الافضل

يخرج الجميع  والاولاد  الحاصلين  علي الهدية   فرحين بها  بسبب حلهم  للمسائل   

يعود الابن يقول ابوه  :

ترضي يا ابني    تكون  بعديهم   انا ما  ارضاشي 

تبقي اهانة ليا وليك     مش راح ارضي  بشيء يئذيك 

       فكر ياللا  وانت معايا نعمل ايه  ؟

الابن  :  شوف الحل  وقولي عليه  ؟

 الرجل نحفر حفرة كبيرة   عشانهم  ونخليهم  يقعم   فيها 

الابن طب وازاي   ؟

الرجل :  هنغطيها  بورق  الشجر    علشان ما يحسوش بالخطر

  الابن  :  لما هيقعوا جوا الحفرة   راح يطلبوا م الخارج  نجدة

الرجل : مش راح يلحقوا يطلبوا نجدة  

         راح نردمها  بسرعة انا وانت

يا اللا  بسرعة  قبل ما حد يحس  بفكرة ويكونوا  لاصحابهم عبرة

علشان  تبقي  اجمل ذكري   ليا وليك  لينا    لبكرة

راح تعزمهم يوم الاتنين  هما كمان  كانم  اتنين 

وساعتها  تاخدهم  لمكان    عند  طريق مهجور وبعيد

    الابن  فكرة جميلة   

يخرجان ثم يعود  الاب وبعد لحظات الابن   وهو يقول  :

هيه   هما الوقت جوه الحفرة  قاعدين يصرخوا فيها بحسرة

يا ياللا يا بابا نقوم  نردمها قبل ما حد  يسمع صوتهم

يرجعان سويا  ثم يعودان مقيدين          ومعهم الطفلان  ومعهم  رجال الشرطة   مصوبين ناحيتهم مسدسا  يقول الشرطي :

ربك  وحده   رب الكل 

 هو هدانا  اننيا   نمشي نشوف  خيانتكم

ودي كانت صدفة  ومفاجأة       اننا  نمشي نخالف سيرنا

علشان  تبقي نجاتهم بينا    والصدفة لوحدها     خليتنا

  ننقذ نفس بريئة    بايدنا

ربنا عالم  بالانسان   تدبيره  فوق الامكان

الطفلان  يأتيان  يقول :

حظكوا سيء انت وهوه      قلبكو اسود  كله  قساوة 

قلنا عليكو  انكو حبايبنا       وكلامكم مليان  بحلاوة 

عقرب واينه خبيث واناني     جوه قلوبكم   غباء وغشاوة

والخاين  دايما ينداس        وجزاؤكم      من نفس الكاس

كنتم هتبقوا لينا حبايب    انت  يا طفل      وانت يا شايب

عقلكو  خاين   قلبكو  غايب

يخرج الابن مع ابيه مقيدين  بالحديد  اثناء خروجهما   يصرخ الاثنان ثم يعودان  امام  المشاهدين

 والابن لا يستطيع  الرؤيا ويضع  يده علي عينيه   يقول :   

صخرة كبيرة  وقعت فوقي          خلعت عيني     وبقيت اعمي

مين هيرجع  عيني  الضايعة      

    الجميع   يتجهون  للاب :

    ابنك اقعد جنبه اتصور                مين للغادر كان    بيغير

روح واتحسر قوم واتكدر

   روحوا عيشوا مع احزانكم      والخاين يوم   لازم يتحسر

يدخل مجموعة من الاطفال الجميع يقولون : 

 وخسرتوا الدنيا  والاخرة  وبقيتوا    للعالم عبرة

انت وابنك  شر كبير         شر علينا  كبير وخطير

  ولا كان عندكو اي ضمير   والغدار  تافه وحقير 

ابعدوا عنا بعينكو الصفرة   ياللي انت هويتوا التدمير

ياللي انت هويتوا التدمير

تمت  بحمد الله

"""""""""""""